Беларусь у асобах: Зайцава Ларыса Мікалаеўна

Ларыса Мікалаеўна Зайцава нарадзілася 2 верасня 1946 г. у Бабруйску (Магілёўская вобласць).

Скончыла Беларускі дзяржаўны ўніверсітэт па спецыяльнасці «філалогія» (1970). У 1980 г. скончыла аспірантуру Інстытута мастацтвазнаўства, этнаграфіі і фальклору Акадэміі навук Беларусі па спецыяльнасці «кіна-, тэле- і іншыя віды экраннага мастацтва».

Працавала ў выдавецтве «Навука і тэхніка» у рэдакцыі літаратуры і мастацтва. З 1980 па 2005 г. была супрацоўнікам Інстытута мастацтвазнаўства, этнаграфіі і фальклору імя К. Крапівы. У 1992 г. абараніла дысертацыю і атрымала ступень кандыдата мастацтвазнаўства.

Выкладчыцкую дзейнасць у Беларускай дзяржаўнай акадэміі мастацтваў Л. Зайцава пачала яшчэ ў 1977 г. Займае пасаду прафесара кафедры менеджменту, гісторыі і тэорыі экранных мастацтваў.

Ларыса Мікалаеўна – аўтар вучэбных праграм па арганізацыі кіна- і тэлевытворчасці, асновам кінакрытыкі, гісторыі ігравога кіно і інш.

Навуковыя інтарэсы кіназнаўцы звязаны з гісторыяй сусветнага і беларускага кіно, праблематыкай жанра ў кінематографе, пытаннямі экранізацыі літаратурных твораў.

Па матэрыялах Нацыянальнай бібліятэкі Беларусі

Больше новостей об интеллектуальной собственности – в наших соцсетях (Facebook, Instagram, Telegram, VK).