Дзень работнікаў радыё, тэлебачання і сувязі

У Беларусі штогод 7 мая адзначаецца Дзень работнікаў радыё, тэлебачання і сувязі, які быў усталяваны згодна з Указам Прэзідэнта Рэспублікі Беларусь № 157 ад 26 сакавіка 1998 г. Само свята вядзе сваю гісторыю з савецкіх часоў, калі было вядома як Дзень радыё.

Гэта дата ў тым ліку падкрэслівае важнасць інтэлектуальнай уласнасці ў развіцці сучасных тэхналогій перадачы даных. Мы аддаём даніну павагі працы інжынераў, стваральнікаў кантэнту і аўтараў інавацыйных ідэй, чый уклад у фарміраванне інфармацыйнай прасторы непасрэдна вызначае якасць нашага штодзённага жыцця.

Нацыянальны цэнтр інтэлектуальнай уласнасці (НЦІУ) актыўна ўзаемадзейнічае з тэле- і радыёвяшчальнымі кампаніямі, у эфіры якіх выкарыстоўваюцца творы, перададзеныя ў калектыўнае кіраванне НЦІУ. Праз механізмы калектыўнага кіравання правамі творы аўтараў трапляюць у эфір, чым забяспечваюць шырокай аўдыторыі доступ да скарбніцы як нацыянальнай, так і сусветнай культурнай спадчыны.

Лідарамі па падачы заявак на рэгістрацыю таварных знакаў Рэспублікі Беларусь сярод арганізацый, якія ажыццяўляюць дзейнасць у галіне радыё, тэлебачання і сувязі, з'яўляюцца Белтэрадыякампанія (95 заявак), Life (58 заявак), Белтэлекам (28 заявак), МТС (24 заяўкі), Белпошта (15 заявак).

Віншуем з Днём работнікаў радыё, тэлебачання і сувязі! Няхай натхненне вядзе вас да новых творчых вяршыняў, а кожны праект будзе яркай падзеяй у медыяпрасторы!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).