НЦІУ запусціў абноўлены партал «Біржа інтэлектуальнай уласнасці»

Напярэдадні Міжнароднага дня інтэлектуальнай уласнасці Нацыянальны цэнтр інтэлектуальнай уласнасці прадставіў абноўлены партал «Біржа інтэлектуальнай уласнасці» (Біржа ІУ).

Функцыянуючы з 2011 г., пляцоўка прайшла маштабную мадэрнізацыю, каб стаць яшчэ больш эфектыўным інструментам для камерцыялізацыі інавацый.

Партал дазваляе прадставіць камерцыйныя прапановы па наступных напрамках:

• аб'екты прамысловай уласнасці (вынаходствы, прамысловыя ўзоры, карысныя мадэлі, сарты раслін, таварныя знакі);
• камп'ютарныя праграмы;
• сакрэты вытворчасці (ноу-хау);
• заключэнне дагавораў франчайзінгу;
• прапановы аб камерцыялізацыі вынікаў НВК(Т)Р, якія зарэгістраваны ў Дзяржаўным рэестры НВК(Т)Р Рэспублікі Беларусь;
• заяўкі на стварэнне і (або) выкарыстанне аб'ектаў інтэлектуальнай уласнасці

У ходзе абнаўлення была праведзена поўная рэвізія базы даных: на дадзены момант на партале даступны 753 актуальныя камерцыйныя прапановы. Ключавыя новаўвядзенні:

Адзіны пошук: укаранёна сучасная сістэма фільтрацыі, якая аб'ядноўвае ўсе катэгорыі камерцыйных прапаноў.

Асабістыя кабінеты: карыстальнікі могуць самастойна рэгістравацца і кіраваць сваімі публікацыямі (размяшчэнне камерцыйных прапаноў адбываецца пасля мадэрацыі НЦІУ).

Інтэграцыя з базамі даных: кожная прапанова дапоўнена прамой спасылкай на актуальныя звесткі з патэнтных баз (уключаючы ЕАПА, Распатэнт і інш.).

Перспектыўныя сэрвісы: у бліжэйшы час плануецца запуск сістэмы прамой перапіскі паміж праваўладальнікамі і зацікаўленымі бакамі.

Місія праекта – стварыць магчымасці для заключэння ліцэнзійных дагавораў, дагавораў саступкі і франчайзінгу, забяспечваючы надзейную абарону інтарэсаў усіх удзельнікаў рынку.

На дадзены момант партал працуе ў тэставым рэжыме. НЦІУ запрашае ўсіх зацікаўленых прыняць удзел у паляпшэнні сэрвісу. Вашы заўвагі і прапановы па функцыянале можна накіроўваць на электронны адрас: birzha@ncip.by.

Уся неабходная даведачная і кантактная інфармацыя ўжо даступная на партале Біржа ІУ.

Больш навін аб інтэлектуальнай уласнасці – у нашых сацсетках (Facebook, Instagram, Telegram).