Працягваецца прыём заявак для ўдзелу ў IV Міжнароднай навукова-практычнай канферэнцыі НЦІУ

21 августа 2024

Афіцыйна

Міжнародная навукова-практычная канферэнцыя «Інтэлектуальная ўласнасць у сучасным свеце: выклікі часу і перспектывы развіцця» з 2021 г. з'яўляецца аўтарытэтнай дыялогавай пляцоўкай для абмену экспертнымі меркаваннямі і выпрацоўкі розных стратэгій, накіраваных на эфектыўнае вырашэнне сучасных выклікаў у сферы інтэлектуальнай уласнасці.

Праграма Канферэнцыі-2024 прадугледжвае правядзенне пленарнага пасяджэння і дзвюх тэматычных секцый.

Сярод тэм, якія плануецца разгледзець на Канферэнцыі-2024, асаблівае месца зоймуць пытанні патэнтнай аналітыкі і пабудовы патэнтнага ландшафту як інструментаў для дасягнення мэтаў інавацыйнага развіцця, а таксама пытанні інтэлектуальнай уласнасці ў інфармацыйна-камунікацыйнай сферы.

Новаўвядзеннем гэтага года стане правядзенне тэматычных секцый у фармаце навучальных курсаў (з выдачай дакументаў аб навучанні ўстаноўленага ўзору).

Асаблівае месца ў праграме Канферэнцыі-2024 зойме падвядзенне вынікаў конкурсу «Лепшы патэнт Беларусi» і конкурсу сярод моладзі на лепшую работу ў сферы інтэлектуальнай уласнасці.

Па выніках Канферэнцыі-2024 плануецца выданне зборніка з уключэннем у РІНЦ. Аўтарам публікацый будуць дасланы сертыфікаты аб удзеле і зборнік матэрыялаў Канферэнцыі-2024 ў фармаце PDF.

Удзел у Канферэнцыі-2024 бясплатны.

Партнёрамі Канфернецыі-2024 выступаюць Нацыянальная бібліятэка Беларусі, Рэспубліканская навукова-тэхнічная бібліятэка, ТАА " ЮрСпектр»

Месца правядзення Канферэнцыі-2024: г. Мінск, пр-т Незалежнасці, 116, Нацыянальная бібліятэка Беларусі.

Формы ўдзелу:

Азнаёміцца з матэрыяламі канферэнцый 2021-2023 гг. і зарэгістравацца для ўдзелу ў Канферэнцыі-2024 можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).


Фота: Алена Васіленка

 Зварот да спісу