Абноўлены раздзел «Адказы на частыя пытанні»

31 марта 2025

Паслугі і інфармацыя

На афіцыйным сайце Нацыянальнага цэнтра інтэлектуальнай уласнасці абноўлены раздзел «Адказы на частыя пытанні», у якім сабраны тлумачэнні на запыты, якія часта ўзнікаюць у грамадзян і арганізацый, а таксама разглядаюцца цікавыя выпадкі, звязаныя з сферай дзейнасці ведамства.

Адказы ў рубрыцы размеркаваны па катэгорыях: «Агульныя пытанні», «Аўтарскае права і сумежныя правы», «Калектыўнае кіраванне», «Вынаходствы, карысныя мадэлі, прамысловыя ўзоры», «Таварныя знакі і знакі абслугоўвання», «Геаграфічныя ўказанні», «Сарты раслін», «Тапалогіі інтэгральных мікрасхем», «Дагаворы ў дачыненні да аб'ектаў інтэлектуальнай уласнасці», «Патэнтныя пошліны», «Апеляцыйны савет».

Названы раздзел пастаянна актуалізуецца з улікам запытаў.

Так, адказ на пытанне № 9 раздзела «Вынаходствы, карысныя мадэлі, прамысловыя ўзоры» тлумачыць, як наяўнасць патэнтаў на названыя аб'екты прамысловай уласнасці можа паўплываць на ўзровень даверу інвестараў да бізнэсу і павялічыць прыбытак. Колькі часу займае працэдура атрымання патэнта і ў якую суму абыходзіцца суб'екту гаспадарання – можна даведацца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).