НЦІУ правёў навучальны курс для прадстаўнікоў ААТ «АГАТ – сістэмы кіравання»

28 января 2026

Паслугі і інфармацыя

28 студзеня 2026 г. у Мінску адбыўся выязны навучальны курс «Галіновыя пытанні аховы і абароны інтэлектуальнай уласнасці» для прадстаўнікоў адкрытага акцыянернага таварыства «АГАТ – сістэмы кіравання» – кіруючая кампанія холдынгу «Геаінфармацыйныя сістэмы кіравання».

Спецыялісты Нацыянальнага цэнтра інтэлектуальнай уласнасці (НЦІУ) расказалі аб ацэнцы мэтазгоднасці і выбары аптымальнай формы прававой аховы вынікаў інтэлектуальнай дзейнасці. Эксперты падрабязна асвятлілі пытанні патэнтнай інфармацыі і патэнтнай дакументацыі, а таксама метады пошуку патэнтных дакументаў у базах даных з выкарыстаннем спецыялізаваных інтэрнэт-рэсурсаў.

Акрамя таго, удзельнікамі былі разгледжаны асаблівасці патэнтных даследаванняў на розных стадыях жыццёвага цыкла вынікаў інтэлектуальнай дзейнасці і адказнасць за парушэнне правоў на аб'екты прамысловай уласнасці, а таксама іншыя актуальныя тэмы.

Па завяршэнні курса слухачы атрымалі сертыфікаты аб навучанні ўстаноўленага Міністэрствам адукацыі Рэспублікі Беларусь узору.

НЦІУ праводзіць спецыялізаванае навучанне па пытаннях аховы і абароны інтэлектуальнай уласнасці для розных галін. Дадатковую інфармацыю можна атрымаць на афіцыйным сайце НЦІУ ў раздзеле «Навучанне», па тэлефоне +375 (17) 272 94 35, па электроннай пошце edu.dept@ncip.by.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Дзіяна Іванова