Абараніце сваю творчасць з НЦІУ!

27 августа 2024

Паслугі і інфармацыя

Нацыянальны цэнтр інтэлектуальнай уласнасці (НЦІУ) прапануе добраахвотную рэгістрацыю і дэпаніраванне аб'ектаў аўтарскага права і сумежных правоў. Многія праваўладальнікі паспяхова зарэгістравалі і перадалі на захоўванне свае творы, уключаючы вершы, раманы, песні, карціны і камп'ютарныя праграмы.

Чаму трэба выбраць паслугі НЦІУ?

Дадатковы інструмент для абароны правоў. У выпадку парушэнняў правоў НЦІУ пацвердзіць, што твор існаваў на канкрэтную дату, а пэўная асоба ўказана як аўтар або праваўладальнік.

Электроннае дэпаніраванне. НЦІУ дэпаніруе аб'екты і матэрыялы ў электронным выглядзе з абмежаваннем доступу трэціх асоб, забяспечваючы захаванасць твораў у зыходным выглядзе.

Каб скарыстацца названымі паслугамі НЦІУ, варта выканаць наступныя крокі:

1. Азнаёміцца з дэталямі паслугі на афіцыйным сайце НЦІУ або атрымаць кансультацыю спецыяліста па тэлефоне + 375 (17) 272 99 02.

2. Падаць заяўку і падаць неабходныя матэрыялы для рэгістрацыі і дэпаніравання.

3. Аплаціць адпаведную паслугу.

4. Атрымаць пасведчанне аб рэгістрацыі. 

НЦІУ аказвае паслугі ў дачыненні да наступных аб'ектаў:

аўтарскага права (твораў):

• літаратурныя;
• сцэнарныя;
• музычныя (з тэкстам і без тэксту);
• аўдыявізуальныя;
• творы выяўленчага мастацтва;
• творы прыкладнога мастацтва і дызайну;
• творы архітэктуры, горадабудаўніцтва і садова-паркавага мастацтва;
• фатаграфічныя;
• якія адносяцца да геаграфіі, картаграфіі і іншых навук;
• камп'ютарныя праграмы;
• творы навукі;
• іншыя творы (у тым ліку базы даных);

сумежных правоў:

• выкананні;
• фанаграмы;
• перадачы арганізацый эфірнага або кабельнага вяшчання.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ