Курс Акадэміі САІУ DL201OR – DL-201 Аўтарскае права і сумежныя правы (адкрыты курс)

Беларускім экспертам у галіне інтэлектуальнай уласнасці даступна магчымасць зарэгістравацца на бясплатны паглыблены навучальны курс Акадэміі САІУ – DL201OR – DL-201 Аўтарскае права і сумежныя правы (адкрыты курс).

У рамках курса будуць разгледжаны наступныя пытанні:

• асноўныя прынцыпы міжнароднага заканадаўства ў галіне абароны аўтарскага права і сумежных правоў;
• міжнародныя дагаворы, а таксама апошнія змяненні і тэндэнцыі ў галіне міжнароднага аўтарскага права;
• калектыўнае кіраванне правамі;
• праблемы аўтарскага права і сумежных правоў у электронных інфармацыйных сістэмах;
• роля САІУ ў абароне аўтарскіх правоў на міжнародным узроўні.

У канцы навучання ёсць магчымасць атрымання камплекта прэзентацыйных матэрыялаў. Навучанне праходзіць на рускай мове.

Рэгістрацыя на курс адкрыта па 10 верасня 2024 г., зарэгістравацца на навучанне можна па спасылцы.

Пры рэгістрацыі на любую з праграм альбо курс неабходна звяртаць увагу на тэрміны правядзення рэгістрацыі, адкрыцця навучання на курсе і здачы выніковага экзамену.

Нагадаем, што Нацыянальны цэнтр інтэлектуальнай уласнасці (НЦІУ) праводзіць розныя навучальныя курсы ў сферы інтэлектуальнай уласнасці. Азнаёміцца са зместам праграм курсаў, якія праводзяцца НЦІУ, а таксама зарэгістравацца для ўдзелу можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).