Выставу «Мая Беларусь» наведалі амаль 300 тысяч чалавек

23 января 2025

Цікавае

У Мінскім міжнародным выставачным цэнтры BELEXPO працягваецца выстава дасягненняў суверэннай Беларусі за 30 гадоў «Мая Беларусь». Выстава карыстаецца вялікай папулярнасцю ў мінчан і гасцей горада – з пачатку адкрыцця яе наведалі ўжо амаль 300 тыс. чалавек.

У складзе кластара «Навука і інтэлект», арганізаванага Нацыянальнай акадэміяй навук Беларусі, Дзяржаўным камітэтам па навуцы і тэхналогіях Рэспублікі Беларусь, Міністэрствам адукацыі Рэспублікі Беларусь, працуе кансультацыйны пункт Нацыянальнага цэнтра інтэлектуальнай уласнасці (НЦІУ). Тут удзельнікі і госці атрымліваюць інфармацыю пра паслугі НЦІУ, могуць пракансультавацца па актуальных пытаннях агульнага і даведачнага характару. Таксама наведвальнікі могуць прыняць удзел у віктарыне «Што ты ведаеш аб інтэлектуальнай уласнасці?» і выйграць сертыфікат са зніжкай на навучанне ў НЦІУ.

Акрамя таго, у рамках выставы беларускія кампаніі дэманструюць інавацыйныя распрацоўкі, уключаючы экалагічныя прадукты, высокатэхналагічныя гаджэты і іншае. Таксама там праводзяцца розныя культурныя мерапрыемствы, у тым ліку канцэрты, кінапаказы, тэатральныя пастаноўкі, майстар-класы, ёсць фотазоны і інсталяцыі.

          Даведка:

Выстава працуе па адрасе: г. Мінск, вул. П. Мядзёлкі, 24. Уваход вольны. Для зручнасці наведвання арганізаваны спецыяльныя аўтобусы, якія курсуюць ад некалькіх станцый метро.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ