Стартаваў 14-ы сезон маладзёжнага праекта «100 ідэй для Беларусі»

4 лістапада 2024 г. стартаваў 14-ы сезон маладзёжнага праекта «100 ідэй для Беларусі». Арганізатарамі выступаюць Беларускі рэспубліканскі саюз моладзі, Дзяржаўны камітэт па навуцы і тэхналогіях Рэспублікі Беларусь, Міністэрства адукацыі Рэспублікі Беларусь і Нацыянальная акадэмія навук (НАН) Беларусі.

Прыём заявак адкрыты на афіцыйным сайце 100ideas.by да 20 лістапада 2024 г. Удзельнікамі могуць стаць маладыя людзі (калектыў аўтараў да трох чалавек) ва ўзросце ад 14 да 31 года і маладыя вучоныя (устаноў вышэйшай адукацыі, арганізацый, падпарадкаваных НАН Беларусі), занятыя ў выкананні навуковых даследаванняў, да дасягнення імі наступнага ўзросту: доктар навук – да 40 гадоў, кандыдат навук, работнік без ступені, які атрымаў вышэйшую адукацыю, аспірант, магістрант – да 35 гадоў.

Новы сезон праекта «100 ідэй для Беларусі» плануецца рэалізаваць у чатыры туры:

1. Інфармацыйны (да 20 лістапада 2024 г.).

2. Адбор заявак, навучальныя стартапы (да 20 снежня 2024 г.).

3. Арганізацыя выстаў-прэзентацый (да 31 студзеня 2025 г.).

4. Рэспубліканскі фінал (да 30 красавіка 2025 г.).

Таксама ў рамках 14-га сезона праекта арганізацыйны камітэт вырашыў заснаваць новую намінацыю за якасць прапрацоўкі і ўкараненне ідэй у рэальны сектар эканомікі.

З больш падрабязнай інфармацыяй аб праекце можна азнаёміцца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).