Карысныя рэсурсы ў сферы інтэлектуальнай уласнасці: база статыстычных даных САІУ

20 ноября 2025

Цікавае

На бясплатным рэсурсе, створаным Сусветнай арганізацыяй інтэлектуальнай уласнасці, размешчана кароткая інфармацыя аб заяўках або ахоўных дакументах на вынаходствы, карысныя мадэлі, прамысловыя ўзоры, таварныя знакі, геаграфічныя ўказанні і сарты раслін, якія паступілі ў нацыянальныя патэнтныя ведамствы многіх краін свету або былі апублікаваны ў гэтых ведамствах на працягу апошняга каляндарнага года. Пералік усіх прадстаўленых на сайце дзяржаў разбіты на групы па іх назвах і забяспечаны алфавітным паказальнікам, што палягчае пошук і сартаванне атрыманых даных.

Інфармацыйны фонд рэсурсу ўключае ў сябе звесткі аб заяўках і зарэгістраваных аб'ектах права прамысловай уласнасці, аб размеркаванні заявак і патэнтаў па вядучых тэхнічных галінах, аб колькасці дзеючых нацыянальных ахоўных дакументаў, суадносінах укладаў нацыянальных і замежных заяўнікаў, краінах паходжання заявак, пададзеных заяўнікамі-замежнікамі, і краінах замежнага патэнтавання розных аб'ектаў заяўнікамі-рэзідэнтамі і інш.

Рэсурс карысны для самых розных карыстальнікаў – ад вынаходнікаў да спецыялістаў па статыстыцы і патэнтнай аналітыцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: САІУ