Карысныя рэсурсы ў сферы інтэлектуальнай уласнасці: інфармацыйна-пошукавая сістэма ФІПУ

Бясплатная інфармацыйна-пошукавая сістэма Федэральнага інстытута прамысловай уласнасці змяшчае звесткі аб вялікай колькасці расійскай патэнтнай дакументацыі, у тым ліку патэнты на вынаходствы, карысныя мадэлі і прамысловыя ўзоры, а таксама ахоўныя дакументы на таварныя знакі і тапалогіі інтэгральных мікрасхем. У сістэме магчымы таксама пошук па зарэгістраваных праграмах для ЭВМ і індэксах класіфікацый.

Працоўны інтэрфейс змяшчае вялікую колькасць пошукавых палёў, што дазваляе складаць і ўжываць складаныя і дакладныя інфармацыйныя запыты. Акрамя таго, сістэма падтрымлівае выкарыстанне лагічных аператараў у кожным з палёў, што робіць яе яшчэ больш гнуткай ў наладзе.

Старонкі знойдзеных сістэмай патэнтных дакументаў ўтрымліваюць падрабязныя бібліяграфічныя дадзеныя па кожным з іх, а таксама (у выпадку вынаходстваў або карысных мадэляў) рэфераты або формулы. Для некаторых дакументаў даступныя таксама паўнатэкставыя апісанні да патэнтаў.

Таксама важнай асаблівасцю пошукавай сістэмы ФІПУ з'яўляецца наяўнасць у ёй базы праіндэксаваных ключавых слоў: гэта значна павышае хуткасць працы. Пошук ключавых слоў падтрымліваецца ў поўных тэкстах дакументаў, што павялічвае рэлевантнасць вынікаў. Усё гэта, а таксама бясплатнасць сістэмы робіць яе зручным інструментам для вырашэння любых патэнтна-аналітычных задач.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).