Карысныя рэсурсы ў сферы інтэлектуальнай уласнасці: Article 6ter Express Database для пошуку афіцыйных сімвалаў

30 сентября 2025

Цікавае

Бясплатная сістэма Article 6ter Express Database створана Сусветнай арганізацыяй інтэлектуальнай уласнасці (САІУ) у мэтах інфармавання зацікаўленых асоб аб дзяржаўных і афіцыйных сімвалах, рэгістрацыя якіх у якасці таварных знакаў забаронена артыкулам 6ter Парыжскай канвенцыі па ахове прамысловай уласнасці.

Пошук такіх абазначэнняў можа праводзіцца па некалькіх крытэрыях, напрыклад па назвах краін, арганізацыях, якія накіравалі ў САІУ хадайніцтва аб унясенні абазначэння ў базу даных, катэгорыях саміх абазначэнняў (сцяг, герб, эмблема і інш.), а таксама розных датах і рубрыках Венскай класіфікацыі выяўленчых элементаў таварных знакаў. Акрамя таго, у сістэме прадугледжаны рэжым пошуку непасрэдна па малюнках для выяўлення знешне падобных адзін да аднаго аб'ектаў. На старонках вынікаў пошуку карыстальнікам даступны як самі ўнесеныя ў базу абазначэнні, так і кароткія бібліяграфічныя даныя, дастатковыя для іх ідэнтыфікацыі.

У сістэме прадстаўлена каля 4,5 тыс. дакументаў, якія змяшчаюць звесткі аб дзяржаўных сцягах, гербах, рознага роду эмблемах і геральдычных сімвалах. Маючы такі фонд, сістэма павялічвае інфармаванасць усіх зацікаўленых асоб і дае ім магчымасць цалкам выканаць патрабаванні артыкула 6ter Парыжскай канвенцыі па ахове прамысловай уласнасці.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ