30 лістапада 1993 г. быў заснаваны Дзяржаўны камітэт па навуцы і тэхналогіях Рэспублікі Беларусь

29 ноября 2024

Цікавае

У адпаведнасці з пастановай Савета Міністраў Рэспублікі Беларусь ад 30 лістапада 1993 г. № 809 быў утвораны Камітэт па навуцы і тэхналогіях. 23 верасня 1994 г. Указам Прэзідэнта Рэспублікі Беларусь  № 122 «Аб змяненні структуры цэнтральных органаў кіравання Рэспублікі Беларусь» Камітэт па навуцы і тэхналогіях пры Савеце Міністраў Рэспублікі Беларусь быў рэарганізаваны ў Камітэт па навуцы і тэхналогіях шляхам далучэння яго да Міністэрства адукацыі і навукі Рэспублікі Беларусь.

З цягам часу спатрэбілася спецыялізаваная структура для эфектыўнага развіцця навукова-тэхнічнага патэнцыялу і паспяховага ўкаранення інавацый. Так, 11 студзеня 1997 г. Указам Прэзідэнта Рэспублікі Беларусь № 30 «Аб сістэме рэспубліканскіх органаў дзяржаўнага кіравання, падпарадкаваных Ураду Рэспублікі Беларусь» Камітэт па навуцы і тэхналогіях Міністэрства адукацыі і навукі ператвораны ў Дзяржаўны камітэт па навуцы і тэхналогіях Рэспублікі Беларусь (ДКНТ).

Сёння адной з ключавых задач ДКНТ з'яўляецца стварэнне ўмоў для развіцця навукова-тэхнічнай, інавацыйнай сферы і сферы інтэлектуальнай уласнасці ў Беларусі. Камітэт падтрымлівае навуковыя даследаванні, аказвае дапамогу навуковым арганізацыям і ўстановам, а таксама стымулюе інавацыйныя праекты і тэхналагічную мадэрнізацыю.

Асноўным вынікам працы ДКНТ як рэгулятара ў галіне навукі і тэхналогій з'яўляецца стварэнне і ўдасканаленне нацыянальнай інавацыйнай сістэмы Рэспублікі Беларусь. Камітэт таксама распрацоўвае і рэалізуе праграмы і праекты ў сферы навукі, тэхналогій і інавацый, праводзіць маніторынг і аналіз стану навуковай, вытворчай і інавацыйнай дзейнасці ў краіне. Важным напрамкам работы ДКНТ з'яўляецца ўзаемадзеянне з міжнароднымі арганізацыямі для абмену вопытам і сумесных даследаванняў.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).