Стартаваў прыём заявак на I міждзяржаўную Прэмію «Лепшы стандартызатар СНД – 2026»

Міждзяржаўны савет па стандартызацыі, метралогіі і сертыфікацыі (МДС) упершыню абвясціў конкурс на суісканне міждзяржаўнай Прэміі за дасягненні ў галіне стандартызацыі «Лепшы стандартызатар СНД – 2026».

Ініцыятыва накіравана на падтрымку распрацоўшчыкаў міждзяржаўных стандартаў (даст), прасоўванне практык стандартызацыі, уцягванне маладых спецыялістаў, а таксама аб'яднанне намаганняў дзяржаўных структур і бізнес-супольнасці для развіцця гэтай важнай сферы.

Прэмія прысуджаецца ў пяці намінацыях:

• «За практычны ўклад у распрацоўку міждзяржаўных стандартаў, якія маюць вялікае эканамічнае і сацыяльнае значэнне для СНД»;
• «За ўклад у адукацыйную і вучэбна-асветную дзейнасць у галіне міждзяржаўнай стандартызацыі і сумежных з ёй дысцыплін»;
• «За ўклад у развіццё навукова-метадычных асноў міждзяржаўнай стандартызацыі»;
• «За ўклад маладых спецыялістаў у навукова-даследчую і практычную дзейнасць па міждзяржаўнай стандартызацыі і сумежных з ёй дысцыплін»;
• «За значны ўклад у развіццё міждзяржаўнай стандартызацыі».

Удзельнікамі конкурсу могуць стаць прадпрыемствы, установы і арганізацыі, грамадскія аб'яднанні, а таксама навуковыя, адукацыйныя і экспертныя структуры, якія прымаюць удзел у работах па міждзяржаўнай стандартызацыі. Кандыдатамі на суісканне прэміі могуць быць як асобныя спецыялісты, так і калектывы (да пяці чалавек).

Пераможцы атрымаюць дыпломы і ганаровыя нагрудныя знакі.

Заяўкі на ўдзел прымаюцца па 1 сакавіка 2026 г.

Падрабязная інфармацыя пра конкурс – па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).