Адкрыты прыём заявак для ўдзелу ў конкурсе «Праграма глабальных прэмій САІУ 2025 года»

24 февраля 2025

Цікавае

Сусветная арганізацыя інтэлектуальнай уласнасці (САІУ) запусціла конкурс «Праграма глабальных прэмій САІУ 2025 года», для ўдзелу ў якім запрашаюцца малыя і сярэднія прадпрыемствы і стартапы, якія выкарыстоўваюць інтэлектуальную ўласнасць (ІУ) у сваёй дзейнасці, аказваючы станоўчы ўплыў на жыццё грамадства.

Прадпрыемствы ўсіх галін бізнесу, размешчаныя ў любым пункце свету і якія адказваюць крытэрыям конкурсу, могуць падаць заяўку да         31 сакавіка 2025 г. Пераможцы атрымліваюць дапамогу настаўнікаў у мэтах садзейнічання рэалізацыі іх стратэгій у галіне ІУ, уключаючы прыцягненне інвестыцый, стварэнне магчымасцяў для партнёрства, рэкламную падтрымку і г. д.

Таксама сёлета будуць адзначаны пераможцы ў новых намінацыях «Лепшая жанчына-прадпрымальнік» і «Лепшы малады прадпрымальнік».

«Праграма глабальных прэмій САІУ дэманструе, як ІУ спрыяе паспяховаму выхаду кампаній на рынак з інавацыйнымі прадуктамі і дапамагае вырашаць розныя праблемы, паляпшаючы якасць жыцця людзей. У 2025 г. мы з гонарам пацвярджаем нашу прыхільнасць інклюзіўнасці і інавацыям, прысуджаючы спецыяльныя ўзнагароды выдатным жанчынам і маладым прадпрымальнікам. Новыя намінацыі адпавядаюць місіі САІУ – стварыць будучыню, у якой усе людзі змогуць карыстацца перавагамі тэхналогій, заснаваных на ІУ», – падкрэсліў Генеральны дырэктар САІУ Дарэн Танг.

Незалежнае экспертнае журы абярэ дзесяць пераможцаў. Цырымонія ўзнагароджання адбудзецца на пляцоўцы Генеральнай Асамблеі САІУ ў ліпені 2025 г. у штаб-кватэры арганізацыі (Жэнева, Швейцарыя).

Бланк заяўкі даступны на англійскай, арабскай, іспанскай, кітайскай, рускай і французскай мовах. З дадатковай інфармацыяй можна азнаёміцца па спасылцы.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).