Інвестыцыі ў нематэрыяльныя актывы хутка растуць па ўсім свеце

25 июля 2024

Цікавае

Сусветная арганізацыя інтэлектуальнай уласнасці (САІУ) у партнёрстве з італьянскай бізнес-школай Luiss Business School (LBS) падрыхтавала даклад «Сусветны агляд інвестыцый у нематэрыяльныя актывы».

Даведка:
Нематэрыяльныя актывы ўключаюць вынікі навукова-даследчых і доследна-канструктарскіх работ, ноу-хау, праграмнае забеспячэнне і даныя, мастацка-канструктарскія рашэнні, брэнды і рэпутацыю, інстытуцыянальны вопыт і веды аб тавараправодных ланцужках, а таксама навыкі кіраўніцтва – усё гэта актывы, так ці інакш звязаныя з інтэлектуальнай уласнасцю. Нягледзячы на сваю нематэрыяльную прыроду, гэтыя актывы здольныя ствараць велізарную каштоўнасць для кампаній, эканамічных сістэм, грамадства і асобных людзей.

Паводле новых даных, атрыманых САІУ, інвестыцыі ў нематэрыяльныя актывы, такія як брэнды, мастацка-канструктарскія рашэнні, даныя і праграмнае забеспячэнне, у апошнія 15 гадоў раслі ў тры разы хутчэй, чым інвестыцыі ў матэрыяльныя актывы, такія як вытворчыя магутнасці і абсталяванне.

Рост працэнтных ставак, сукупны аб'ём інвестыцый у нематэрыяльныя актывы ў 2023 годзе дасягнуў 6,9 трлн дал. ЗША, павялічыўшыся больш чым у два разы ў параўнанні з 2,9 трлн дал. ЗША ў 1995 годзе. Як паведамляецца ў дакладзе, інвестыцыі ў матэрыяльныя актывы ў 2023 годзе склалі 4,7 трлн дал. ЗША.

У дакладзе таксама асвятляюцца наступныя моманты:

• устойлівасць ва ўмовах эканамічнай нявызначанасці;
• рост долі ў ВУП;
• найбольш актыўныя краіны;
• вядучыя эканомікі (1995–2023 гады);
• прыкметны рост у краінах з эканомікай, якая развіваецца;
• асноўныя віды нематэрыяльных актываў.

На данны момант даклад ахоплівае 26 краін, на долю якіх прыпадае больш за палову сусветнага ВУП, а ў наступныя выданні плануецца ўключыць яшчэ больш краін.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ