Гэты дзень у гісторыі ІУ Беларусі: 5 гадоў таму ўступіў у сілу Маракешскі дагавор

5 гадоў таму, 22 кастрычніка 2020 г., на тэрыторыі Рэспублікі Беларусь уступіў у сілу Маракешскі дагавор аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў.

Маракешскі дагавор, адміністрацыйныя функцыі ў дачыненні да якога выконвае Сусветная арганізацыя інтэлектуальнай уласнасці, спрашчае выраб і міжнародную перадачу кніг, адаптаваных для выкарыстання сляпымі і асобамі з парушэннямі зроку. Яго галоўная мэта – пераадолець «кніжны голад» і садзейнічаць сацыяльнай інклюзіі, забяспечваючы мільёнам людзей з парушэннямі зроку доступ да ведаў і культурных каштоўнасцяў.

З актуальнай рэдакцыяй актаў міжнароднага і нацыянальнага заканадаўства ў галіне інтэлектуальнай уласнасці можна азнаёміцца ў раздзеле «Заканадаўства» афіцыйнага сайта НЦІУ.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ