Міжнародная архітэктурна-будаўнічая выстава BUDEXPO

З 16 па 18 верасня 2026 г. пройдзе Міжнародная архітэктурна-будаўнічая выстава BUDEXPO – ключавая падзея будаўнічага комплексу Рэспублікі Беларусь, якая аб'ядноўвае прафесіяналаў галіны на адной пляцоўцы.

Мерапрыемства выступае камунікацыйнай платформай для вытворцаў будаўнічых і аздобных матэрыялаў, архітэктурных і дызайн-бюро, дэвелапераў, навуковых арганізацый, профільных ВНУ і дзяржаўных структур.

Удзельнікі прадставяць сучасныя матэрыялы, абсталяванне, інструменты і тэхналагічныя рашэнні, якія ахопліваюць усе этапы будаўніцтва – ад праектавання да аздаблення. У цэнтры ўвагі – навінкі рынку, лічбавыя рашэнні і інавацыйныя падыходы ў будаўніцтве.

Дзелавая праграма ўключае канферэнцыі, панэльныя дыскусіі і выступленні экспертаў, прысвечаныя новым тэхналогіям, імпартазамяшчэнню і развіццю галіны.

Больш інфармацыі пра выставу – па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).