Беларусь у асобах: Прошчанка Ліра Віктараўна

20 февраля 2026

Цікавае

Ліра Віктараўна Прошчанка (Мілаванава) нарадзілася 16 лютага 1956 г. у Маскве. Скончыла мастацка-графічны факультэт Віцебскага педагагічнага інстытута (1978) (цяпер УА «Віцебскі дзяржаўны ўніверсітэт імя П. М. Машэрава»). Працавала ў Бабруйскім мастацкім каледжы імя А. Я. Ларына (цяпер УА «Бабруйскі дзяржаўны прафесійна-тэхнічны мастацкі каледж імя А. Я. Ларына»). Удзельнік шматлікіх мастацкіх выставак (з 1978). Член Беларускага саюза мастакоў (1991).

Мастак валодае тонкім успрыманнем свету і характараў іншых людзей. Падпарадкоўваючыся гэтаму імпульсу, з віртуознасцю добрага майстра яна захоўвае створаныя ўнутры яе свядомасці вобразы на паперы. Будучы па натуры эксперыментатарам, графік гэта ўменне прарабляла пастаянна з фарбамі, захапляючыся працэсам сама і захапляючы сваіх вучняў.

Працуе ў станковай графіцы, акварэлі, дэкаратыўна-прыкладным мастацтве. Асноўныя творы: графічныя кампазіцыі «Месяцовая сімфонія», «Чырвонае на белым»; нацюрморты «Чырвонае на чорным, Чорнае на белым», «Поўнач», партрэт «Белы верш»; пейзажы «Уваходжу ў восень, рызніцу дабрыні», «Восеньскае золата»; кампазіцыі «Боль», «Стварэнне», «Шчыгрынавая скура», «Трэцяе вымярэнне» і інш.

Работы мастака знаходзяцца ў музейных калекцыях Рэспублікі Беларусь і за мяжой.

Па матэрыялах Нацыянальнай бібліятэкі Беларусі

Больше новостей об интеллектуальной собственности – в наших соцсетях (Facebook, Instagram, Telegram, VK).

Фота: Злата Лукашэвіч