18 красавіка 2024 г. на базе кафедры інаватыкі і прадпрымальніцкай дзейнасці эканамічнага факультэта Беларускага дзяржаўнага ўніверсітэта (БДУ) адбылася I Міжнародная навукова-практычная канферэнцыя «Развіццё праз інавацыі: канцэпцыі, мадэлі і вопыт рэалізацыі».
Нацыянальны цэнтр інтэлектуальнай уласнасці (НЦІУ) выступіў у якасці суарганізатара мерапрыемства. У пленарным пасяджэнні з дакладам выступіў начальнік упраўлення садзейнічання камерцыялізацыі і дзяржаўных рэестраў НЦІУ Дзмітрый Андрыеўскі.
На канферэнцыі разглядаліся глабальныя тэндэнцыі і перадавыя практыкі ў галіне інавацыйнага развіцця, важная роля інавацыйнага прадпрымальніцтва ў трансфармацыі эканомікі. Важным аспектам стала абмеркаванне значэння інтэлектуальнай уласнасці ў сістэме забеспячэння інавацыйнага развіцця. Таксама ўдзельнікі канферэнцыі распрацоўвалі прапановы па ўдасканаленні інфраструктурнай падтрымкі ў інавацыйнай дзейнасці.
Даведка:
Штогод прафесарска-выкладчыцкі састаў і студэнты актыўна ўдзельнічаюць у Міжнароднай навукова-практычнай канферэнцыі НЦІУ «Інтэлектуальная ўласнасць у сучасным свеце: выклікі часу і перспектывы развіцця», публікуюць навукова-практычныя артыкулы ў часопісе «Інтэлектуальная ўласнасць у Беларусі».
Студэнты БДУ рэгулярна ўдзельнічаюць у конкурсе НЦІУ сярод моладзі на лепшую працу ў сферы інтэлектуальнай уласнасці.
Таксама з 2020 г. у БДУ пры падтрымцы НЦІУ функцыянуе Цэнтр падтрымкі тэхналогій і інавацый.
Больш навін аб інтэлектуальнай уласнасці – у нашых сацсетках (Facebook, Instagram, Telegram).