Сусветны дзень кіравання інфармацыяй
Штогод у трэці чацвер лютага адзначаецца Сусветны дзень кіравання інфармацыяй, які закліканы павысіць дасведчанасць грамадства аб значэнні эфектыўнага кіравання данымі. Тэрмін «кіраванне інфармацыяй» (information governance) ахоплівае распрацоўку стратэгій і палітык, якія тычацца стварэння, распаўсюджвання, захоўвання і выкарыстання карпаратыўных даных.
У гэтым кантэксце Нацыянальны цэнтр інтэлектуальнай уласнасці (НЦІУ) актыўна працуе над фарміраваннем сучаснай і эфектыўнай інфармацыйнай прасторы ў сферы інтэлектуальнай уласнасці (ІУ).
У рамках сваёй дзейнасці НЦІУ прадастаўляе:
- актуальныя звесткі пра змяненні ў нацыянальным заканадаўстве ў сферы ІУ;
- інфармацыю аб зарэгістраваных аб'ектах права прамысловай уласнасці (базы даных, Біржа ІУ);
- патэнтна-інфармацыйныя паслугі;
- магчымасць навучання па розных напрамках ІУ;
- паслугі рэгістрацыі і дэпаніравання аб'ектаў аўтарскага права і сумежных правоў;
- магчымасць азнаёміцца з памерам сабранага ўзнагароджання за выкарыстанне твораў, знайсці формы дакументаў для рэгістрацыі твораў (асабісты кабінет аўтара);
- метадычныя рэкамендацыі і тлумачэнні па прававой ахове, абароне і камерцыялізацыі аб'ектаў ІУ;
- магчымасць публікацыі вынікі навукова-практычных даследаванняў у часопісе «Інтэлектуальная ўласнасць у Беларусі»;
- адказы на частыя пытанні карыстальнікаў і многае іншае.
Таксама на адзіным партале электронных паслуг «Е-Паслуга» сталі даступныя ўсе адміністрацыйныя працэдуры НЦІУ ў сферы ІУ.
Больше новостей об интеллектуальной собственности – в наших соцсетях (Facebook, Instagram, Telegram, VK).
Фота: Злата Лукашэвіч
