Даклад САІУ «Сусветны агляд інвестыцый у нематэрыяльныя актывы»

Згодна з дакладам «Сусветны агляд інвестыцый у нематэрыяльныя актывы» Сусветнай арганізацыі інтэлектуальнай уласнасці (САІУ) і італьянскай бізнес-школы Luiss, у 2024 г. інвестыцыі ў нематэрыяльныя актывы (даныя, праграмнае забеспячэнне, брэнды і іншыя актывы на аснове інтэлектуальнай уласнасці) павялічваліся ўтрая хутчэй, чым укладанні ў матэрыяльныя актывы (абсталяванне, будынкі, інфраструктура).

У дакладзе паведамляецца, што толькі за апошні год інвестыцыі ў нематэрыяльныя актывы 27 эканомік свету з высокім і сярэднім узроўнем даходу выраслі ў рэальным выражэнні на 7,6 трлн даляраў у 2024 г. супраць 7,4 трлн даляраў у 2023 г.

Катэгорыі нематэрыяльных актываў, такія як праграмнае забеспячэнне і базы даных, дэманструюць найбольш высокія тэмпы росту: у перыяд з 2013 па 2022 г. іх сярэднегадавы прырост склаў 7 %.

Рост інвестыцый непарыўна звязаны з сапраўдным бумам штучнага інтэлекту (ШІ). Аўтары справаздачы адзначаюць 2 этапы інвеставання: спачатку адбываецца «разгортванне магутнасцяў», г. зн. стварэнне інфраструктуры (напрыклад, чыпы, серверы, дата-цэнтры), затым «структурная трансфармацыя» бізнес-працэсаў, уключаючы перанавучанне супрацоўнікаў з мэтай інтэграцыі ШІ ў штодзённую дзейнасць кампаній.

«Гэтая дынаміка фармуе новыя арыенціры для органаў кіравання, – адзначыў Генеральны дырэктар САІУ Дарэн Танг. – Тыя краіны, якія свядома стымулююць інвестыцыі ў нематэрыяльныя актывы, змогуць хутчэй развівацца і займаць лідзіруючыя пазіцыі ў глабальнай эканоміцы, дзе ключавымі рухаючымі сіламі становяцца тэхналагічныя, лічбавыя і культурныя інавацыі».

Азнаёміцца з кароткім зместам даклада можна па спасылцы.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: wipo.int/