САІУ апублікаваныя новыя справаздачы аб патэнтных ландшафтах

16 июля 2024

Цікавае

Сусветная арганізацыя інтэлектуальнай уласнасці (САІУ) выпусціла некалькі новых справаздач аб патэнтных ландшафтах, якія уключаюць аналіз тэхналогіі генератыўнага штучнага інтэлекту (ШІ), выкарыстання марскіх генетычных рэсурсаў, пальмавага алею і мікраводарасцей для вытворчасці рознай прадукцыі. Кожная з названых справаздач уяўляе сабой не толькі апісанне і экспертны аналіз канкрэтнага вынаходства, але і спосаб дэталёвага карціравання самой тэхналогіі або прадукту ў цэлым.

У справаздачы аб генератыўным ШІ:

• закрануты перадумовы станаўлення генератыўнага ШІ;

• разгледжаны трэнды глабальнага развіцця патэнтавання і даследаванняў у генератыўным ШІ;

• вызначаны асноўныя юрысдыкцыі падачы заявак;

• апісаны патэнтныя тэндэнцыі ў мадэлях генератыўнага ШІ;

• даследавана дынаміка росту патэнтных сямействаў за апошнія некалькі гадоў;

• разгледжаны патэнтныя тэндэнцыі ў прыкладаннях генератыўнага ШІ і вызначаны вобласці яго прымянення пры пабудове патэнтнага ландшафту;

• агучаны асцярогі з нагоды росту выкарыстання мадэляў і інструментаў генератыўнага ШІ, пачынаючы ад парушэння аўтарскіх правоў і яго патэнцыйна нямэтавага выкарыстання да рызыкі немэтазгоднага скарачэння працоўных месцаў.

Справаздача аб выкарыстанні марскіх генетычных рэсурсаў цікава для тых, хто займаецца новымі распрацоўкамі ў сферы фармацэўтычнай, касметычнай вытворчасці і касмецэўтыкі, новых відаў харчавання і інструментарыя ў галіне біятэхналогій. У дакуменце прыведзены прыклады даследаванняў, якія праводзяцца ў шэрагу краін Асацыяцыі дзяржаў Паўднёва-Усходняй Азіі (АСЕАН).

У справаздачы аб выкарыстанні пальмавага і пальмаядравага алею змяшчаецца агляд глабальнага патэнтнага ландшафту ў сферы вытворчасці пальмавага алею і ўтылізацыі прадуктаў яго вытворчасці. Дадзеная інфармацыя карысная для даследчыкаў у галіне патэнтавання тэхналогій вытворчасці раслінных алеяў і ўтылізацыі адходаў дадзенай вытворчасці.

На афіцыйным сайце САІУ таксама можна знайсці два асноўных дакумента па пабудове патэнтных ландшафтаў – Кіруючыя прынцыпы складання справаздач аб патэнтных ландшафтах і Кіраўніцтва па інструментах патэнтнага аналізу з адкрытых крыніц.

Больш навін аб інтэлектуальнай уласнасці – у нашых сацсетках (Facebook, Instagram, Telegram).