Карысныя рэсурсы ў сферы інтэлектуальнай уласнасці: WIPO Speech to Text для распазнавання вуснай мовы

16 июля 2025

Цікавае

Распрацаваная Сусветнай арганізацыяй інтэлектуальнай уласнасці (САІУ) бясплатная сістэма WIPO Speech to Text з'яўляецца эфектыўным інструментам, які аўтаматычна пераўтварае аўдыя- і відэакантэнт у тэкст пры дапамозе камп'ютарных алгарытмаў з элементамі штучнага інтэлекту. Яе карыстальнікамі з'яўляюцца шырокія масы людзей, зацікаўленыя ў разуменні замежных спікераў.

WIPO Speech to Text забяспечвае хуткае і дакладнае распазнаванне вуснай мовы практычна ў любой складанай сітуацыі, напрыклад пры наяўнасці на гукавой дарожцы скажэнняў, моўных акцэнтаў і фонавых гукаў, а таксама ва ўмовах хуткай змены мовы вяшчання. Ахопленая сістэмай лінгвістычная вобласць уключае ў сябе рускую, англійскую, іспанскую, кітайскую, французскую і арабскую мовы, а ў перспектыве – яшчэ большую іх колькасць.

У цяперашні час сістэма шырока выкарыстоўваецца САІУ на ўсіх пасяджэннях і мерапрыемствах гэтай арганізацыі. WIPO Speech to Text пастаянна ўдасканальваецца, выкарыстоўваючы наладжвальныя мадэлі расшыфроўкі, якія дазваляюць максімальна дакладна падганяць параметры распазнавання вуснай мовы пад канкрэтную сітуацыю. Гэта забяспечвае яшчэ большую гнуткасць і зручнасць у паўсядзённай працы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ