Нацыянальны дзіцячы тэхнапарк абвясціў набор на майскую адукацыйную змену

14 января 2025

Цікавае

Ва ўстанове адукацыі «Нацыянальны дзіцячы тэхнапарк» стартаваў прыём заявак на адукацыйную змену, якая пройдзе з 6 па 29 мая 2025 г. Да ўдзелу ў конкурсным адборы запрашаюцца навучэнцы 9-11 класаў.

Адбор будзе праводзіцца ў два этапы. Для ўдзелу ў 1 этапе адбору неабходна накіраваць заяўку і праект (у фармаце PDF) альбо заяўку і дакументы, якія пацвярджаюць перамогі і (або) удзел у міжнародных і (або) рэспубліканскіх адукацыйных мерапрыемствах, на сайт.

Заяўку можна падаць па 27 студзеня 2025 г. Спісы навучэнцаў, якія паспяхова прайшлі 1 этап адбору, будуць апублікаваны на сайце ndtp.by не пазней за 6 сакавіка 2025 г.

З падрабязнай інфармацыяй аб змене і адукацыйных кірунках можна азнаёміцца па спасылцы.

Даведка:
Адукацыйныя змены – адзін з ключавых кірункаў дзейнасці Нацыянальнага дзіцячага тэхнапарка, які прапануе бясплатнае навучанне па розных праграмах. Заняткі праводзяць выкладчыкі вядучых устаноў вышэйшай адукацыі краіны на базе сучасных навуковых лабараторый.

Навучэнцы, якія паспяхова завяршылі праграму, могуць атрымаць рэкамендацыі да залічэння ў ВНУ без уступных выпрабаванняў на спецыяльнасці профіляў адукацыі «Тэхніка і тэхналогіі» і «Прыродазнаўчыя навукі», а таксама ў ліцэі з паглыбленым вывучэннем прадметаў у рамках профільнага навучання.

Па матэрыялах Нацыянальнага дзіцячага парку

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).