Навучальны курс Акадэміі САІУ «Патэнты»

Беларускія эксперты ў галіне інтэлектуальнай уласнасці (ІУ) і ўсе зацікаўленыя маюць магчымасць зарэгістравацца на бясплатны паглыблены навучальны курс Акадэміі САІУ – DL301 – «Патэнты».

Курс накіраваны на дэталёвае вывучэнне прынцыпаў функцыянавання патэнтнай сістэмы і яе эканамічнай значнасці. У ходзе навучання ўдзельнікі азнаёмяцца з ужываннем патэнтаў у акадэмічным асяроддзі (уключаючы універсітэты і спецыялізаваныя вышэйшыя навучальныя ўстановы). Таксама будзе прадастаўлены агляд патэнтных пулаў і іх ролі ў эфектыўнай перадачы і развіцці тэхналогій.

Курс складаецца з васьмі модуляў, пасля завяршэння якіх праходзіць выніковы экзамен (з выдачай сертыфіката аб праходжанні курса):

1. Макраэканамічны ўплыў патэнтнай сістэмы.

2. Працэдура падачы патэнтнай заяўкі.

3. Розныя ўзроўні міжнароднай патэнтнай сістэмы і рэгіянальныя механізмы аховы патэнтаў.

4. Віды аховы ІУ па тыпах вынаходстваў.

5. Прававыя аспекты патэнтнага працэсу.

6. Забеспячэнне захавання правоў.

7. Новыя праблемы, важныя выпадкі і дыскусіі.

8. ІУ і развіццё: лекцыя аб гібкасці патэнтнай сістэмы і ролі грамадскага здабытку.

Курс прызначаны для асоб з базавымі ведамі ў галіне ІУ: юрыстаў, супрацоўнікаў ведамстваў па ІУ, спецыялістаў у галіне навукова-даследчых і доследна-канструктарскіх работ (НДДКР) і студэнтаў вышэйшых навучальных устаноў, іншых зацікаўленых. Рэгістрацыя на курс адкрыта па 19 сакавіка 2025 г.

Нагадаем, Нацыянальны цэнтр інтэлектуальнай уласнасці праводзіць навучальныя курсы ў сферы інтэлектуальнай уласнасці. Азнаёміцца са зместам праграм курсаў, якія праводзяцца НЦІУ, і зарэгістравацца для ўдзелу можна па спасылцы.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).