Адкрыты прыём заявак у Летнюю школу па кіраванні Інтэрнэтам

Адкрыты прыём заявак у Летнюю школу па кіраванні Інтэрнэтам, якая пройдзе ў рэжыме анлайн з 15 ліпеня па 20 жніўня 2024 г. Да ўдзелу ў навучанні запрашаюцца студэнты, аспіранты, маладыя выкладчыкі, даследчыкі і іншыя зацікаўленыя.

У цэнтры ўвагі мерапрыемстваў у рамках Летняй школы:

• Уводны курс у асновы кіравання Інтэрнэтам.

• Абарона інтэлектуальнай уласнасці ў Інтэрнэце.

• Лічбавыя тэхналогіі будучыні. Штучны інтэлект.

• Лічбавая дыпламатыя.

• Устойлівае развіццё.

Навучанне бясплатнае. Заяўкі прымаюцца да 10 ліпеня 2024 г. (неабходна запоўніць анкету). Пры ўмове паспяховага засваення праграмы удзельнікі атрымаюць сертыфікат аб дадатковай адукацыі Санкт-Пецярбургскага дзяржаўнага ўніверсітэта.

З больш падрабязнай інфармацыяй можна азнаёміцца па спасылцы.

Даведка:
Летняя школа па кіраванні Інтэрнэтам арганізавана Каардынацыйным цэнтрам даменаў. RU/. РФ сумесна з факультэтам міжнародных адносін Санкт-Пецярбургскага дзяржаўнага ўніверсітэта і з'яўляецца часткай глабальнага руху Schools on Internet Governance (SIG).
Задача школы – інфармаванне слухачоў аб актуальных пытаннях кіравання Інтэрнэтам і лічбавага супрацоўніцтва на глабальным і рэгіянальным узроўнях, фарміраванне неабходных навыкаў для паўнавартаснага ўдзелу ў дзейнасці міжнародных арганізацый, тэматычных канферэнцыях і дыскусіях па ўказаных тэмах.

Па матэрыялах РДАІУ