Міжнародны дзень жанчын і дзяўчынак у навуцы

11 февраля 2026

Цікавае

Штогод 11 лютага свет адзначае Міжнародны дзень жанчын і дзяўчынак у навуцы. Тэма 2026 г. – «Выкарыстанне патэнцыялу штучнага інтэлекту, сацыяльных, тэхнічных і матэматычных навук, інжынернай справы, фінансаў для пашырэння магчымасцяў жанчын і дзяўчынак».

Гэты дзень – магчымасць садзейнічаць поўнаму і роўнаму доступу жанчын і дзяўчынак да навукі і актыўнага ўдзелу ў ёй. Ён таксама нагадвае пра неабходнасць пераадолення бар'ераў і стэрэатыпаў, якія могуць перашкаджаць іх паўнавартаснай рэалізацыі ў гэтай галіне. Упамінанне дзяўчынак у назве свята падкрэслівае важнасць уключэння ўсіх узроставых катэгорый у навуковыя супольнасці, гурткі і іншыя аб'яднанні навуковага напрамку.

Беларускія жанчыны і дзяўчынкі ўносяць істотны ўклад у інавацыйнае развіццё нашай краіны, з'яўляючыся ў тым ліку аўтарамі вынаходстваў, карысных мадэляў, прамысловых узораў і сартоў раслін. У 2025 г. 269 беларускіх жанчын былі пазначаны ў якасці аўтараў у заяўках на выдачу ахоўных дакументаў Рэспублікі Беларусь.

Сёння мы ўшаноўваем усіх жанчын і дзяўчынак, якія ўносяць уклад у развіццё навукі, а таксама тых, хто імкнецца рэалізаваць сябе ў гэтай займальнай вобласці.

Са святам! Няхай ваша імкненне да ведаў і адкрыццяў ніколі не згасае, а энергія і крэатыўнасць вядуць вас да новых дасягненняў і яркіх поспехаў!

Больше новостей об интеллектуальной собственности – в наших соцсетях (Facebook, Instagram, Telegram, VK).

Фота: Злата Лукашэвіч