XVI сезон Міжнароднага дзіцячага конкурсу «Школьны патэнт – крок у будучыню!»

10 сентября 2024

Цікавае

Стартаваў прыём заявак для ўдзелу ў XVI сезоне Міжнароднага дзіцячага конкурсу «Школьны патэнт – крок у будучыню!».

Арганізатарамі конкурсу выступаюць Асацыяцыя цэнтраў падтрымкі тэхналогій і інавацый, Фонд «Цэнтр міжнароднага супрацоўніцтва «Кадуцей», Еўразійскае патэнтнае ведамства пры падтрымцы Федэральнай службы па інтэлектуальнай уласнасці (Распатэнт), Сусветнай арганізацыі інтэлектуальнай уласнасці і інш.

Конкурс складаецца з чатырох этапаў. Удзельнічаць могуць грамадзяне любой краіны і асобы без грамадзянства ва ўзросце ад 7 да 18 гадоў. Ад рабят прымаюцца работы (праекты) у навукова-тэхнічнай сферы (вынаходствы і карысныя мадэлі) і ў сферы дызайну (прамысловыя ўзоры), а таксама іншыя работы, якія маюць творчы характар і адпавядаюць намінацыям конкурсу.

Лепшыя работы ўзнагароджваюцца граматамі Распатэнта, сертыфікатамі Еўразійскага патэнтнага ведамства, накіроўваюцца на экспертызу Еўразійскага патэнтнага ведамства для наступнага ўзнагароджання залатым медалём «Погляд у будучыню».

Навуковыя і творчыя кіраўнікі работ пераможцаў (гран-пры) узнагароджваюцца гадавым абанементам на адукацыйныя праграмы дадатковай прафесійнай адукацыі (павышэнне кваліфікацыі) Інстытута міжнароднага бізнесу і права Асацыяцыі цэнтраў падтрымкі тэхналогій і інавацый.

Падача конкурсных работ для першага этапу працягнецца да 25 снежня 2024 г.

Азнаёміцца з умовамі і зарэгістравацца для ўдзелу можна па спасылцы.

Па матэрыялах Міжнароднага дзіцячага праекта «Школьны патэнт»

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).