Дадзены старт новай прэміі «Горад інавацый САІУ»

9 апреля 2026

Цікавае

Сусветная арганізацыя інтэлектуальнай уласнасці (САІУ) дала старт новай ініцыятыве – прэміі «Горад інавацый САІУ», закліканай адзначыць гарады па ўсім свеце, якія ствараюць найбольш спрыяльныя ўмовы для развіцця інавацый і творчасці, абароны ідэй і падтрымкі прадпрымальніцтва.

«Для сапраўдных інавацый неабходныя экасістэмы, у якіх інтэлектуальная ўласнасць забяспечвае ахову новых ідэй, пашырае магчымасці наватараў і дазваляе ўвасабляць канцэпцыі ў жыццё. Дадзеная прэмія прысуджаецца гарадам, якія бяруць на сябе абавязацельства падтрымліваць інавацыйную дзейнасць з дапамогай развіцця такіх сістэм і ствараюць для гэтага неабходныя ўмовы», – адзначыў у сваім выступе генеральны дырэктар САІУ Дарэн Танг.

У конкурсе могуць прыняць удзел гарады з усіх 194 дзяржаў – членаў САІУ (але не больш за тры гарады адной краіны). Конкурс адкрыты для гарадоў любога памеру. Прэмія прысуджаецца за абяцанне падтрымкі ў мэтах садзейнічання інавацыйнай і творчай дзейнасці на працягу 12 месяцаў.

Прыём заявак для ўдзелу па 30 чэрвеня 2026 г. Заяўкі будуць разглядацца міжнародным журы на аснове трох крытэрыяў: адпаведнасць канцэпцыі профілю горада, амбітнасць пастаўленых мэтаў і пераканаўчасць механізмаў іх рэалізацыі.

Гарады-пераможцы атрымаюць міжнароднае прызнанне, а таксама магчымасць прадставіць свету мясцовых наватараў, аўтараў і прадпрымальнікаў. САІУ будзе супрацоўнічаць з гарадамі-лаўрэатамі, дакументуючы ход рэалізацыі іх ініцыятыў і распаўсюджваючы інфармацыю аб іх поспехах, што дазволіць пераймаць іх вопыт і створыць сетку, якая аб'ядноўвае гарады па ўсім свеце.

Пераможцы будуць абвешчаныя на цырымоніі ўзнагароджання, якая адбудзецца ў штаб-кватэры САІУ ў Жэневе ў рамках 6-й сесіі Форуму мэраў ААН 21 кастрычніка 2026 г.

Больш падрабязна з інфармацыяй пра прэмію можна азнаёміцца па спасылцы.

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Злата Лукашэвіч