Карысныя рэсурсы ў сферы інтэлектуальнай уласнасці: інфармацыйна-пошукавая сістэма ASPI

Электронны рэсурс ASPI (Access to Specialized Patent Information) кіруецца Сусветнай арганізацыяй інтэлектуальнай уласнасці і уяўляе сабой вынік супрацоўніцтва вядучых пастаўшчыкоў патэнтнай інфармацыі, які аб'ядноўвае іх найноўшыя аналітычныя прадукты на адной інтэрнэт-пляцоўцы. Карыстальнікамі гэтага рэсурсу з'яўляюцца супрацоўнікі нацыянальных патэнтных ведамстваў і навукова-даследчых інстытутаў, а таксама навучэнцы, студэнты і патэнтныя аналітыкі, чыя дзейнасць напрамую звязана з атрыманнем і аналізам інфармацыі, узятай з патэнтных крыніц. Падключыўшыся да ASPI, карыстальнікі бязвыплатна (у выпадку іх паходжання з краін на шляху развіцця) альбо за ўмераную плату могуць атрымаць доступ да ўсіх сістэмных сэрвісаў і інструментаў, спецыяльна прызначаных для пошуку і аналітычнай апрацоўкі патэнтных даных.

Акрамя таго, сістэма інтэграваная з такімі вядомымі сэрвісамі, як Ambercite (сістэма пошуку падобных патэнтаў), Derwent Innovation (праграма для пабудовы патэнтных ландшафтаў), Orbit Intelligence (пошукавы сэрвіс з убудаванымі алгарытмамі патэнтнага аналізу) і інш. Гэта істотна пашырае яе базавыя магчымасці і спрыяе папулярнасці.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).