Выстава літаратуры «Патэнтаванне прамысловых узораў»

У лістападзе 2025 г. у чытальнай зале аддзела патэнтных дакументаў Рэспубліканскай навукова-тэхнічнай бібліятэкі (РНТБ) праходзіць тэматычная выстава «Патэнтаванне прамысловых узораў».

На выставе прадстаўлены актуальныя кнігі, манаграфіі і публікацыі з перыядычных выданняў аб пытаннях, звязаных з рэгістрацыяй, аховай і прававой абаронай прамысловых узораў, што робіць яе карыснай для спецыялістаў любога ўзроўню – як пачаткоўцаў, так і экспертаў.

Выданні ахопліваюць наступныя тэмы: прававая ахова дызайну і прамысловых узораў; працэдура рэгістрацыі і выкарыстанне выключных правоў на прамысловыя ўзоры; аналіз заканадаўства дзяржаў – членаў Еўразійскай патэнтнай арганізацыі ў названай галіне; крытэрыі ацэнкі арыгінальнасці прамысловага ўзору; удзел Рэспублікі Беларусь у Гаагскай сістэме рэгістрацыі прамысловых узораў і г. д.      

Наведаць выставу патэнтнага фонду РНТБ можна ў тым ліку і ў рэжыме анлайн па спасылцы.

Па матэрыялах РНТБ

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ