XVII сезон Міжнароднага дзіцячага конкурсу «Школьны патэнт – крок у будучыню!»

Стартаваў прыём заявак для ўдзелу ў XVII сезоне Міжнароднага дзіцячага конкурсу «Школьны патэнт – крок у будучыню!».

Мэта конкурсу – стымуляваць цікавасць маладога пакалення да навукова-тэхнічнай творчасці, развіць навыкі вынаходніцкай дзейнасці і дапамагчы ўвасобіць у жыццё самыя смелыя і перспектыўныя праекты.

Конкурс складаецца з чатырох этапаў. Удзельнічаць могуць грамадзяне любой краіны і асобы без грамадзянства ва ўзросце ад 6 да 18 гадоў. Ад рабят прымаюцца работы (праекты) у навукова-тэхнічнай сферы (вынаходствы і карысныя мадэлі) і ў сферы дызайну (прамысловыя ўзоры), а таксама іншыя работы, якія маюць творчы характар і адпавядаюць намінацыям конкурсу.

Лепшыя работы ўзнагароджваюцца граматамі Распатэнта, сертыфікатамі Еўразійскага патэнтнага ведамства, накіроўваюцца на экспертызу Еўразійскага патэнтнага ведамства для наступнага ўзнагароджання залатым медалём «Погляд у будучыню». У гэтым сезоне пераможцы атрымаюць унікальную магчымасць прадставіць свой праект прафесійнай супольнасці на форуме «Дні інтэлектуальнай уласнасці ў ПЗФА» 22-24 ліпеня 2026 г. у Санкт-Пецярбургу.

Падача конкурсных работ для першага этапу працягнецца да 25 снежня 2025 г.

Азнаёміцца з умовамі і зарэгістравацца для ўдзелу можна па спасылцы.

Па матэрыялах Міжнароднага дзіцячага праекта «Школьны патэнт»

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: schoolpatent.ru/