Практычны дапаможнік «Прававая ахова таварных знакаў і знакаў абслугоўвання» размешчаны на сайце НЦІУ

На сайце Нацыянальнага цэнтра інтэлектуальнай уласнасці (НЦІУ) у раздзеле «Метадычныя рэкамендацыі» размешчаны актуалізаваны практычны дапаможнік «Прававая ахова таварных знакаў і знакаў абслугоўвання» (дапаможнік), падрыхтаваны аўтарскім калектывам НЦІУ з улікам апошніх змяненняў заканадаўства, якое рэгулюе пытанні прававой аховы таварных знакаў і знакаў абслугоўвання.

У дапаможніку разглядаюцца паняцце і віды таварнага знака, сутнасць выключнага права на таварны знак, парадак афармлення заяўкі на рэгістрацыю таварнага знака, асаблівасці правядзення экспертызы заяўкі і міжнароднай рэгістрацыі таварнага знака. У канцы кожнага раздзела дапаможнікі прыводзяцца тэставыя заданні і пытанні для самакантролю.

Дапаможнік прызначаны для спецыялістаў патэнтных службаў суб'ектаў гаспадарання, патэнтных павераных, суддзяў, прафесарска-выкладчыцкага састава, асоб, якія навучаюцца па спецыяльнасцях юрыдычнага і эканамічнага профіляў, а таксама ўсіх, хто займаецца вывучэннем праблем у сферы аховы і абароны правоў на аб'екты інтэлектуальнай уласнасці.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ