Сусветны дзень пісьменніка

3 марта 2025

Цікавае

Кожны год 3 сакавіка свет адзначае Сусветны дзень пісьменніка –прафесійнае свята літаратараў, якое нагадвае пра значэнне пісьменніцтва ў грамадстве. Ідэя стварыць аб'яднанне пісьменнікаў і журналістаў была вылучана ў пачатку XX стагоддзя пісьменніцай Кэтрын Доўсан. Так з'явіўся клуб PEN, названы ў гонар паэтаў, эсэістаў і раманістаў (poets, essayists, novelists). Яго першым дырэктарам стаў Джон Голсуорсі, які ўзначальваў клуб з 1921 г. З тых часоў было адкрыта больш за 130 філіялаў па ўсім свеце.

У ходзе 48-га кангрэса Міжнароднага PEN-цэнтра было прынята рашэнне заснаваць Сусветны дзень пісьменніка, які стаў сімвалам павагі да пісьма і яго ролі ў фарміраванні грамадскай думкі. Гэтае свята адзначаюць літаратары, рэдактары, журналісты і публіцысты.

Сусветны дзень пісьменніка таксама нагадвае пра неабходнасць падтрымліваць правы аўтараў, а таксама пра важнасць стварэння ўмоў для іх працы, каб яны маглі свабодна дзяліцца сваімі ідэямі і літаратурнымі творамі з грамадствам. Абарона інтэлектуальнай уласнасці спрыяе развіццю культуры і літаратуры, дазваляючы аўтарам рэалізоўваць свае задумы, не асцерагаючыся за іх захаванасць.

Жадаем творчых поспехаў, натхнення і невычэрпнай энергіі для стварэння вашых выдатных твораў! Са святам!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ