Як размяркоўваюцца правы пры стварэнні твораў з дапамогай штучнага інтэлекту

БЕЛТА

Як размяркоўваюцца правы пры стварэнні твораў з дапамогай штучнага інтэлекту, распавялі спецыялісты аддзела вялікіх правоў упраўлення аўтарскага і сумежных правоў Нацыянальнага цэнтра інтэлектуальнай уласнасці Дар'я Касцючэнка і Ксенія Паўлава падчас круглага стала «Лічбавыя тэхналогіі і аўтарскае права», які адбыўся ў Нацыянальнай бібліятэцы Беларусі.

«Штучны інтэлект на падставе закона не можа быць прызнаны аўтарам. Але калі твор стварае карыстальнік ва ўзаемадзеянні з штучным інтэлектам, то карыстальнік будзе атрымліваць правы як асноўны аўтар, а распрацоўшчыкі штучнага інтэлекту могуць прэтэндаваць на некаторую долю працы пры значным укладзе ў стварэнне твора. Гэты падыход рэгулюецца рознымі ліцэнзійнымі пагадненнямі», – патлумачыла Д. Касцючэнка.

К. Паўлава таксама падкрэсліла, што арыгінальная ідэя генерыруецца не штучным інтэлектам, а самім чалавекам, які з ім працуе. Ён фармулюе для нейрасецівы пытанні і даручае заданні. Тая, у сваю чаргу, выступае ў ролі праграмы, што аналізуе гэтыя даныя і на іх аснове прымае розныя рашэнні.

Па словах спецыялістаў, пытанне размеркавання аўтарскага права паміж штучным інтэлектам, распрацоўшчыкамі і карыстальнікам застаецца складаным, аднак яно можа быць здейснена з улікам кожнага боку, калі працэс стварэння з’яўляецца вынікам цеснага ўзаемадзеяння карыстальніка і нейрасеціва.

Па матэрыялах БЕЛТА

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).