Міжнародны дзень дзіцячай кнігі

2 апреля 2025

Цікавае

Штогод 2 красавіка, у дзень нараджэння вялікага дацкага казачніка Ганса Хрысціяна Андэрсана, свет адзначае Міжнародны дзень дзіцячай кнігі. Гэтая дата нагадвае пра значнасць чытання і літаратурнай спадчыны для дзяцей і падкрэслівае важнасць абароны інтэлектуальнай уласнасці ў сферы кнігавыдання.

Заснаванае ў 1967 г. па ініцыятыве Міжнароднага савета па дзіцячай кнізе свята стала сімвалам непарыўнай сувязі паміж творчай працай аўтараў і абаронай іх аўтарскіх правоў. Дзіцячая літаратура іграе важную ролю ў развіцці ўяўлення, выхаванні каштоўнасцяў і з'яўляецца невычэрпнай крыніцай натхнення для мноства пакаленняў юных чытачоў.

Міжнародны дзень дзіцячай кнігі падтрымлівае аўтараў, выдаўцоў і ўсіх, хто робіць магчымым з'яўленне выдатных твораў. Няхай кожная дзіцячая кніга стане пасланнем на карысць творчасці, павагі да аўтарскага права і разнастайнасці ў свеце літаратуры.

Віншуем усіх з гэтым цудоўным святам і жадаем нязгаснага натхнення, адкрыццяў і запамінальных кніжных прыгод!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).