Адкрыты набор на спецыялізаваны курс САІУ «Патэнты: асноўныя паняцці»

Беларускія эксперты ў галіне інтэлектуальнай уласнасці і ўсе зацікаўленыя работнікі запрашаюцца на бясплатны спецыялізаваны навучальны курс Акадэміі САІУ – DL170R – «Патэнты: асноўныя паняцці».

Уводны курс дапаможа ўдзельнікам ацаніць ролю вынаходак у фарміраванні эфектыўнай распрацоўкі і перадачы тэхналогій, а таксама стане якаснай тэарэтычнай асновай для далейшага практычнага навучання па тэме патэнтнай аховы.

У рамках заняткаў будуць разгледжаны наступныя тэмы:

• міжнародная патэнтная сістэма і яе макраэканамічнае значэнне;

• працэс афармлення патэнтнай заяўкі;

• віды аховы інтэлектуальнай уласнасці ў залежнасці ад тыпу вынаходкі;

• прававыя аспекты працэсу патэнтавання;

• эфектыўная абарона правоў;

• інтэлектуальная ўласнасць і садзейнічанне развіццю: гнуткія магчымасці і грамадскі набытак у кантэксце патэнтнага заканадаўства.

Па завяршэнні курса прадугледжана магчымасць самаправеркі і атрымання камплекта прэзентацыйных матэрыялаў. Навучанне праводзіцца на рускай мове.

Рэгістрацыя на курс адкрыта па 31 ліпеня 2025 г.

Нагадваем, што Нацыянальны цэнтр інтэлектуальнай уласнасці праводзіць навучальныя курсы ў сферы інтэлектуальнай уласнасці. Азнаёміцца са зместам праграм курсаў, якія праводзіць НЦІУ, і зарэгістравацца для ўдзелу можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: НЦІУ