Унесены змяненні ў Парадак запаўнення дэкларацыі на тавары

19 июля 2023

Афіцыйна

Калегія Еўразійскай эканамічнай камісіі (ЕЭК) унесла змяненні ў Парадак запаўнення дэкларацыі на тавары ў мэтах удасканалення правілаў указання ў дэкларацыі на тавары звестак аб аб'ектах інтэлектуальнай уласнасці (АІУ).

Пасля ўступлення рашэння Калегіі ЕЭК у сілу запаўняць дэкларацыю на тавары можна будзе з ужываннем класіфікатара звестак аб АІУ. Гэта дазволіць указваць у дэкларацыі на тавары адпаведныя звесткі аб АІУ ў кадзіраваным выглядзе.

«Змены дазволяць павысіць узровень аўтаматызацыі працэсу апрацоўкі звестак аб наяўнасці аб'ектаў інтэлектуальнай уласнасці», – адзначыў міністр па мытным супрацоўніцтве ЕЭК Эльдар Алішэраў.

Таксама ўлічана прымяненне ў будучыні адзінага мытнага рэестра АІУ дзяржаў-членаў ЕАЭС апроч нацыянальных мытных рэестраў АІУ, што ўжываюцца ў цяперашні час.

Па матэрыялах ЕЭК

Больш навін аб інтэлектуальнай уласнасці – у нашых сацсетках (Facebook, Instagram, Telegram).