НЦІУ і «Тэхнапарк-Мардовія» падпісалі Пагадненне аб супрацоўніцтве

У адпаведнасці з дамоўленасцямі, дасягнутымі ў кастрычніку 2025 г. у ходзе візіту прадстаўнікоў Рэспублікі Мардовія ў Нацыянальны цэнтр інтэлектуальнай уласнасці (НЦІУ), падпісана Пагадненне аб супрацоўніцтве паміж НЦІУ і аўтаномнай установай «Тэхнапарк-Мардовія».

Адпаведны дакумент падпісалі генеральны дырэктар НЦІУ Аляксей Курман і генеральны дырэктар АУ «Тэхнапарк-Мардовія» Пётр Волкаў.

Пагадненне прадугледжвае ўстанаўленне і развіццё бакамі доўгатэрміновых партнёрскіх адносін у мэтах стварэння ўмоў для прававой аховы і эфектыўнага выкарыстання вынікаў інтэлектуальнай дзейнасці ў Рэспубліцы Беларусь і Расійскай Федэрацыі.

Дакумент уключае такія напрамкі супрацоўніцтва, як інфармацыйная і метадычная падтрымка бакоў, інфармацыйнае забеспячэнне ўдзельнікаў працэсаў стварэння і камерцыялізацыі аб'ектаў інтэлектуальнай уласнасці, арганізацыя і правядзенне сумесных мерапрыемстваў, рэалізацыя сумесных праектаў і праграм у сферах, якія ўяўляюць узаемную цікавасць і інш.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: БЕЛТА