Змена Адміністрацыйнай інструкцыі да PCT і некаторых бланкаў да яе

У адпаведнасці з правілам 89.2 (b) Інструкцыі да Дагавора аб патэнтнай кааперацыі (РСТ) з 1 ліпеня 2024 г. уступаюць у сілу змены ў Адміністрацыйнай інструкцыі да PCT разам са зменамі ў некаторых бланках, якія прыкладаюцца да яе. Змены ў інструкцыі, правілы 26 і 29, датычацца працэдуры разгляду міжнародных заявак, якія змяшчаюць часткі на розных мовах.

Змены ў Адміністрацыйнай інструкцыі да PCT

У раздзеле 305bis(a-bis) (ii) тэкст «разам з астатняй часткай рэгістрацыйнага экзэмпляра» выключаны, каб патлумачыць, што Атрымліваючаму ведамству рэкамендуецца неадкладна накіраваць рэгістрацыйны экзэмпляр у Міжнароднае бюро Сусветнай арганізацыі інтэлектуальнай уласнасці (САІУ), а затым па атрыманні накіраваць пераклад у адпаведнасці з правілам 26.3 ter (e). У назве раздзела 308 правіла 26.3 ter згадваецца без падпункта (e). Акрамя таго, зменены раздзелы 707(b) і 804(a), якія былі разгледжаны разам з вышэйзгаданымі часткамі.

Змены некаторых бланкаў, якія прыкладаюцца да Адміністрацыйнай інструкцыі да PCT

Унесены змены ў бланкі: PCT/RO/117, PCT/RO/150, PCT/RO/157. Бланк PCT/RO/145 зменены з мэтай удакладнення, бо паказаная форма ахоплівае выпадкі, калі толькі часткі элемента выкананы на іншай мове. Уступная прапанова цяпер абвяшчае: «1. Атрымліваючае ведамства інфармуе заяўніка аб тым, што апісанне і формула вынаходства або іх частка не на той мове, якая прынятыа дадзеных Атрымліваючым ведамствам».

Зводная версія Адміністрацыйнай інструкцыі да PCT з унесенымі ў яе зменамі даступная па спасылцы.

Змененыя бланкі даступныя на вэб-сайце САІУ ў раздзеле «Бланкі, якія ўступаюць у сілу з 1 ліпеня 2024 г.».

Па матэрыялах САІУ

Больш навін аб інтэлектуальнай уласнасці – у нашых сацсетках (Facebook, Instagram, Telegram).