Увазе плацельшчыкаў патэнтных пошлін

З 1 студзеня 2025 г. уступілі ў сілу змены ў Падатковы кодэкс Рэспублікі Беларусь (Асаблівая частка).

Да асноўных зменаў адносяцца наступныя:

• вызваляюцца ад выплаты патэнтных пошлін плацельшчыкі за падтрыманне ў сіле на працягу першых пяці гадоў дзеяння патэнта на карысную мадэль, прамысловы ўзор, гатунак расліны, якія з'яўляюцца вынікам навуковай і навукова-тэхнічнай дзейнасці і створаныя за кошт сродкаў дзяржаўнага бюджэту;
• вызваляюцца ад выплаты патэнтных пошлін плацельшчыкі за здзяйсненне шэрагу юрыдычна значных дзеянняў, звязаных з прававой аховай аб'ектаў права прамысловай уласнасці, якія з'яўляюцца вынікамі навуковай і навукова-тэхнічнай дзейнасці і створаных поўнасцю або часткова за кошт сродкаў рэспубліканскага і (або) мясцовых бюджэтаў, у тым ліку дзяржаўных мэтавых бюджэтных фондаў, а таксама дзяржаўных пазабюджэтных фондаў;
• вызваляюцца ад выплаты патэнтных пошлін асобныя катэгорыі плацельшчыкаў за здзяйсненне юрыдычна значных дзеянняў, звязаных з прававой аховай геаграфічных указанняў.

Павялічаны памеры патэнтных пошлін у наступных выпадках:

• за падтрыманне ў сіле патэнтаў на вынаходствы, карысныя мадэлі, прамысловыя ўзоры, пачынаючы з шостага і наступныя гады падтрымання ў сіле патэнта;
• за падаўжэнне тэрміну дзеяння рэгістрацыі таварнага знака і за падаўжэнне тэрміну дзеяння рэгістрацыі калектыўнага знака.

Таксама звяртаем увагу, што ў адпаведнасці з пастановай Савета Міністраў Рэспублікі Беларусь ад 16 лістапада 2024 г. № 848 з 1 студзеня 2025 г. устаноўлена базавая велічыня ў памеры 42 беларускія рублі. У сувязі з гэтым змяніліся памеры патэнтных пошлін, у прыватнасці, за падтрыманне ў сіле еўразійскіх патэнтаў на вынаходствы на тэрыторыі Рэспублікі Беларусь. Памеры пошлін прыведзены ў табліцы на сайце Еўразійскай патэнтнай арганізацыі.

З актуальнай інфармацыяй аб пошлінах можна азнаёміцца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).