НЦІУ правядзе навукова-практычны семінар «Прававая ахова і камерцыялізацыя вынікаў інтэлектуальнай дзейнасці»

21 мая 2025

Падзеі

5 чэрвеня 2025 г. у рамках 35-й Міжнароднай спецыялізаванай выставы «Белагра» адбудзецца навукова-практычны семінар «Прававая ахова і камерцыялізацыя вынікаў інтэлектуальнай дзейнасці».

Арганізатарамі выступаюць Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці (НЦІУ).

У праграме семінара:

• ахова прамысловай уласнасці як фактар забеспячэння інавацыйнага развіцця прадпрыемстваў аграпрамысловага комплексу;
• геаграфічныя ўказанні як сродак прасоўвання беларускіх брэндаў; 
• асаблівасці распараджэння правамі на аб'екты права прамысловай уласнасці на ўнутраным і знешніх рынках;
• прававая ахова таварных знакаў за мяжой;
• абарона правоў на аб'екты інтэлектуальнай уласнасці: як дзейнічаць у выпадку парушэння правоў і інш.

У рабоце семінара прымуць удзел вядучыя эксперты НЦІУ, Нацыянальнай акадэміі навук Беларусі, Дзяржаўнай інспекцыі па выпрабаванні і ахове сартоў раслін, Беларускага дзяржаўнага аграрнага тэхнічнага ўніверсітэта.

Зарэгістравацца для ўдзелу можна па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).