ЕАПВ і НЦІУ падпісаны Мемарандум аб узаемаразуменні па Еўразійскай праграме паскоранага патэнтнага справаводства

12 сентября 2024

Падзеі

9-10 верасня 2024 г. у Маскве прайшло 45-е (31-е чарговае) пасяджэнне Адміністрацыйнага савета Еўразійскай патэнтнай арганізацыі (ЕАПА), прысвечанае 30-годдзю падпісання Еўразійскай патэнтнай канвенцыі.

У мерапрыемстве прыняла ўдзел дэлегацыя Нацыянальнага цэнтра інтэлектуальнай уласнасці (НЦІУ) на чале з паўнамоцным прадстаўніком Рэспублікі Беларусь у Адміністрацыйным савеце ЕАПА, генеральным дырэктарам НЦІУ Уладзімірам Рабаволавым.

На палях пасяджэння Адміністрацыйнага савета Еўразійскае патэнтнае ведамства і ведамства Азербайджана, Беларусі, Расіі, Таджыкістана падпісалі Мемарандум аб узаемаразуменні па Еўразійскай праграме паскоранага патэнтнага справаводства. Праграма накіравана на развіццё экспертнага ўзаемадзеяння і гарманізацыю практык паміж ведамствамі. Праект стане эфектыўным інструментам для зніжэння выдаткаў заяўнікаў і павышэння якасці працы ведамстваў.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).