А. Заяц: У 2025 г. 47 адміністрацыйных працэдур НЦІУ будуць даступныя ў электроннай форме

29 ноября 2024

Падзеі

З 28 па 29 лістапада 2024 г. у Мінску адбыўся Беларускі юрыдычны форум «Права ў сучасным свеце». У рамках секцыйных дыскусій прадстаўнікі юрыдычнай, прадпрымальніцкай, палітычнай і праваахоўнай супольнасцяў абмеркавалі найважнейшыя пытанні, якія тычацца прававой абароны інтарэсаў грамадзян і бізнесу, паляпшэння правапрымяняльнай практыкі, прасоўвання заканадаўчых ініцыятыў для развіцця прававой культуры, а таксама рэгулявання сацыяльна-эканамічнай сферы ў сучасных умовах.

Арганізатары форуму – грамадскае аб'яднанне «Беларускі рэспубліканскі саюз юрыстаў», Міністэрства юстыцыі Рэспублікі Беларусь, Нацыянальны цэнтр заканадаўства і прававой інфармацыі Рэспублікі Беларусь, Нацыянальны цэнтр абароны персанальных даных Рэспублікі Беларусь, таварыства з абмежаванай адказнасцю «ЮрСпектр».

У секцыі «Лічбавая трансфармацыя ажыццяўлення адміністрацыйных працэдур» выступіў намеснік генеральнага дырэктара Нацыянальнага цэнтра інтэлектуальнай уласнасці (НЦІУ) Аляксандр Заяц з дакладам на тэму «Цыфравізацыя адміністрацыйных працэдур у сферы інтэлектуальнай уласнасці».

У сваім выступу А. Заяц акцэнтаваў увагу на вопыце і выніках работы па перакладзе адміністрацыйных працэдур (АП) НЦІУ ў электронную форму і асобных аспектах працы з Адзіным парталам электронных паслуг (АПЭП) для розных катэгорый карыстальнікаў.

Для эфектыўнага падыходу да цыфравізацыі АП НЦІУ падзяліў іх на «простыя» і «складаныя». Да «простых» працэдур адносіцца, напрыклад, падаўжэнне рэгістрацыі таварных знакаў, тады як «складаныя» могуць займаць больш за год: «З кастрычніка 2024 г. на Адзіным партале электронных паслуг сталі даступныя 34 «простыя» АП, якія ажыццяўляюцца НЦІУ».

Намеснік генеральнага дырэктара НЦІУ адзначыў важнасць далейшага прасоўвання электронных сэрвісаў: «Галоўная задача на сёння – інфармацыйная праца па прасоўванні АПЭП. Мы плануем выпусціць серыю відэаролікаў, якія дапамогуць карыстальнікам асвоіць платформу».

А. Заяц таксама звярнуў увагу, што ўсе 47 адміністрацыйных працэдур НЦІУ будуць даступныя ў электроннай форме ўжо ў 2025 г.: «Сёння частка «складаных» АП ажыццяўляецца праз распрацаваны НЦІУ «АІС-партал», які дазваляе падаваць электронныя заяўкі на выдачу патэнта на аб'екты права прамысловай уласнасці. Платформа карыстаецца высокім попытам: за 10 месяцаў пададзена 1201 заяўка на рэгістрацыю таварнага знака, што складае 45 % ад агульнай колькасці заявак».

«Лічбавая трансфармацыя ў НЦІУ закранула не толькі АП – з 2024 г. НЦІУ цалкам перайшоў на бесперапыннае апублікаванне ўсіх афіцыйных бюлетэняў, што забяспечвае аператыўны доступ да актуальнай патэнтнай інфармацыі», – падагульніў намеснік генеральнага дырэктара НЦІУ.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).