У НЦІУ разгледжаны вынікі навукова-даследчай дзейнасці

26 декабря 2024

Падзеі

24 снежня 2024 г. у Нацыянальным цэнтры інтэлектуальнай уласнасці (НЦІУ) адбылося пасяджэнне навукова-тэхнічнага савета, у рамках якога былі разгледжаны вынікі выканання навукова-даследчых работ. Сярод разгледжаных праектаў:

• «Распрацоўка навукова абгрунтаваных прапаноў па павышэнні заяўніцкай актыўнасці на аб'екты права прамысловай уласнасці»;
• «Правядзенне патэнтных даследаванняў і пабудова патэнтнага экспрэс-ландшафту на прыкладзе тэмы «Лазерныя комплексы для генерацыі і кіравання характарыстыкамі лазернага выпраменьвання высокай магутнасці»;
• «Распрацоўка навукова абгрунтаваных прапаноў па ўдасканаленні механізму калектыўнага кіравання маёмаснымі правамі з улікам патрабаванняў заканадаўства аб абароне персанальных даных і аб супрацьдзеянні экстрэмізму»;
• «Падрыхтоўка навукова абгрунтаваных прапаноў па ўдасканаленні падыходаў да захоўвання дакументаў, якія акумулююцца патэнтным органам у рамках ажыццяўлення экспертызы»;
• «Выпрацоўка навукова абгрунтаваных прапаноў па распрацоўцы праграмнага забеспячэння ў мэтах цыфравізацыі дзейнасці НЦІУ як арганізацыі па калектыўным кіраванні»;
• «Распрацоўка навукова абгрунтаваных прапаноў па метадычным забеспячэнні беспатэнтнай аховы аб'ектаў права прамысловай уласнасці ў арганізацыях Рэспублікі Беларусь».

У ходзе пасяджэння падведзены вынікі работы НЦІУ як навуковай арганізацыі ў 2024 г. і зацверджаны план дзейнасці на 2025 г. Акрамя таго, на абмеркаванне вынесена пытанне аб устанаўленні надбавак за навуковую ступень і вучонае званне.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).