НЦІУ прыняў удзел у прэзентацыі праектаў навучэнцаў Нацыянальнага дзіцячага тэхнапарка

26 верасня 2024 г. у Нацыянальным дзіцячым тэхнапарку адбылася прэзентацыя праектаў, распрацаваных навучэнцамі ў рамках вераснёўскай адукацыйнай змены.

У мерапрыемстве прынялі ўдзел прадстаўнікі Нацыянальнага цэнтра інтэлектуальнай уласнасці – начальнік экспертызы прамысловай уласнасці Алена Усачова, начальнік упраўлення садзейнічання камерцыялізацыі і дзяржаўных рэестраў Дзмітрый Андрыеўскі і начальнік упраўлення арганізацыі мерапрыемстваў і міжнароднага супрацоўніцтва Артур Ахраменка.

Навучэнцы прадставілі каля 100 праектаў у такіх галіновых напрамках, як біятэхналогіі, нанаіндустрыя і нанатэхналогіі, робататэхніка, зялёная хімія, інфармацыйныя і камп'ютэрныя тэхналогіі, электроніка і сувязь, энергетыка будучыні, авіякасмічныя тэхналогіі і інш.

Дарэчы, Нацыянальны цэнтр інтэлектуальнай уласнасці і Нацыянальны дзіцячы тэхнапарк цесна развіваюць супрацоўніцтва з мэтай рэалізацыі шэрагу ініцыятыў, накіраваных на падтрымку і развіццё навуковых і адукацыйных даследаванняў сярод школьнікаў і моладзі, пра што сведчыць нядаўняе падпісанне Мемарандума аб супрацоўніцтве.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).