У. А. Рабаволаў: Еўразійская патэнтная сістэма – адзін з самых паспяховых інтэграцыйных праектаў на постсавецкай прасторы

26-28 чэрвеня 2024 г. у Санкт-Пецярбургу праходзіць XII Пецярбургскі міжнародны юрыдычны форум.

Генеральны дырэктар Нацыянальнага цэнтра інтэлектуальнай уласнасці Уладзімір Рабаволаў выступіў з дакладам у рэжыме анлайн у рамках секцыі «Новыя рэгіянальныя аб'екты інтэлектуальнай уласнасці на еўразійскай прасторы: адзіныя Еўразійскі таварны знак і карысная мадэль». У сваім выступленні ён закрануў рознабаковыя аспекты пабудовы эфектыўнай Еўразійскай сістэмы прававой аховы карысных мадэляў, а таксама расказаў аб перспектывах і патэнцыяльных эканамічных выгодах для краін-удзельніц Еўразійскай патэнтнай канвенцыі.

Пляцоўка мерапрыемства стала месцам дыялогу паміж прадстаўнікамі юрыдычнай, прадпрымальніцкай, палітычнай і праваахоўнай супольнасцяў па пытаннях удасканалення заканадаўства ў інтарэсах грамадзян і бізнесу, паляпшэння практыкі правапрымянення, а таксама прасоўвання заканадаўчых ініцыятыў для развіцця прававой культуры і рэгулявання сацыяльна-эканамічнай сферы ва ўмовах глабальных змяненняў.

Больш навін аб інтэлектуальнай уласнасці – у нашых сацсетках (Facebook, Instagram, Telegram).