Міжнародны семінар «Прававая ахова і абарона правоў экспарцёраў на аб'екты інтэлектуальнай уласнасці» прайшоў у Мінску

24 красавіка 2025 г. у Мінску адбыўся Міжнародны семінар «Прававая ахова і абарона правоў экспарцёраў на аб'екты інтэлектуальнай уласнасці», прымеркаваны да Міжнароднага дня інтэлектуальнай уласнасці.

Арганізатарамі семінара выступілі Дзяржаўны камітэт па навуцы і тэхналогіях Рэспублікі Беларусь (ДКНТ) і Нацыянальны цэнтр інтэлектуальнай уласнасці (НЦІУ) пры падтрымцы Сусветнай арганізацыі інтэлектуальнай уласнасці (САІУ).

На адкрыцці семінара з прывітальнымі словамі выступілі першы намеснік старшыні ДКНТ Дзяніс Каржыцкі, Генеральны дырэктар САІУ Дарэн Танг (анлайн), кіраўнік Федэральнай службы па інтэлектуальнай уласнасці Юрый Зубаў (анлайн), першы намеснік генеральнага дырэктара НЦІУ Аляксей Курман.

Прывітальны адрас Прэзідэнта Еўразійскага патэнтнага ведамства Еўразійскай патэнтнай арганізацыі Рыгора Іўліева агучыла Алена Маханькова, намеснік начальніка Цэнтра маніторынгу якасці ЕАПВ.

У ходзе мерапрыемства прадстаўнікі Міністэрства антыманапольнага рэгулявання і гандлю Рэспублікі Беларусь, Еўразійскага патэнтнага ведамства Еўразійскай патэнтнай арганізацыі, Беларускай асацыяцыі патэнтных павераных, Федэральнага інстытута прамысловай уласнасці, а таксама вядучыя эксперты НЦІУ распавялі пра асаблівасці распараджэння правамі на аб'екты інтэлектуальнай уласнасці за мяжой, мерах дзяржаўнай падтрымкі экспарцёраў, вопыце антыманапольных органаў у кантэксце парушэння правоў на таварны знак. Акрамя таго, была разгледжана практыка вырашэння спрэчак у дачыненні да еўразійскіх патэнтаў, асноўныя аспекты судовай практыкі ў галіне абароны выключных правоў на аб'екты інтэлектуальнай уласнасці і інш.

Таксама эксперты НЦІУ правялі майстар-класы па падрыхтоўцы заявак на атрыманне патэнта на вынаходствы і прамысловыя ўзоры і па міжнароднай рэгістрацыі таварных знакаў у рамках Мадрыдскай сістэмы. Прадстаўнікі прадпрыемстваў падзяліліся сваім вопытам выкарыстання механізмаў аховы і абароны аб'ектаў інтэлектуальнай уласнасці на прыкладзе канкрэтных кейсаў.

У рамках семінара падпісана пагадненне аб стварэнні пункта Цэнтра падтрымкі тэхналогій і інавацый (ЦПТІ) трэцяга ўзроўню на базе тэхнапарка. Адпаведнае пагадненне падпісалі першы намеснік генеральнага дырэктара НЦІУ Аляксей Курман і дырэктар закрытага акцыянернага таварыства «Брэсцкі навукова-тэхналагічны парк» Аляксей Шэвердзін. Гэта ўжо 34-ы ЦПТІ, створаны ў Беларусі.

Завяршыўся семінар уручэннем сертыфікатаў, якія пацвярджаюць удзел у навучанні ў рамках праграмы мерапрыемства.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).